28 години Аргентина чекаше и дочека. Послр многу разочарувања и порази во финалињата и критики Лионел Меси освои трофеј и со националниот тим и тоа на најслаткиот начин – со победа над големиот ривал Бразил, и тоа сред “Маракана”, онаму каде што го загубија финалето на Мундијалот 2014 година.
Аргентина добро започна, а Бразил влезе како во грч. Финалето го одлучи само еден гол, оној на Ди Марија и тоа со лоб удар.
Никој не очекуваше дека токму тоа ќе биде единствениот погодок. Имаше уште еден, го даде Бразил, но беше поништен поради офсајд. Аргентина одигра потоа подефанзивно и ја чекаше шансата од контра и ја имаше, но не ја искористи.
Така голот на Ди Марија се покажа одлучувачки.
За најдобар играч на турнирот беше прогласен Лионел Меси, а најдобар голман неговиот сонародник Емилиано Мартинез.
After 28 years of long wait Messi, Di #Maria did it for Argentina. #CopaAmerica
— Instablog9ja (@instablog9ja) July 11, 2021
