Во Италија, неколку лица починаа за време на масовните прослави на победата на националниот тим во финалето на Европското фудбалско првенство против Англија, објави Ла Република.
Според изворот, несреќа се случила во провинцијата Катанија, како резултат на што починало 19-годишно момче, а уште четири лица биле повредени. Во Фоџа, 32-годишен маж возел скутер и бил застрела, додека се обидувал да се пробие меѓу навивачите кои ја славеле победата на репрезентацијата… Исто така, синоќа во Венеција, во еден од каналите било пронајдено тело на средовечен човек. Идентитетот на мажот не е утврден. Полицијата не исклучува дека смртта може да се поврзе со масовните прослави на успехот на италијанската репрезентација на Еуро 2020.
