Една од најголемите кошаркарски ѕвезди во НБА лигата во последната декада, Леброн Џејмс, можеби не објави кога ќе се повлече од активен настап на терените, но сосема е сигурен дека тоа сака да го направи како кошаркар на ЛА Лејкерс.
„Навистина се надевам дека ќе можам да ја завршам кариерата во Лејкерс. Сепак, не знам за колку години ќе биде тоа, можеби за четири, пет, шест или седум. Се надевам дека ќе можам да продолжам да играм. Го сакам Лос Анџелес исто како и моето семејство. Да се биде во таква историска организација како Лејкерс е нешто што и никогаш не помислив дека ќе се случи“, вели Леброн.
