Флорентино Перез е во центарот на вниманието, за жал не по убави вести. Од вчера во јавноста излегоа разговори на првиот човек на Реал Мадрид, кој буквално ги озборува сите фудбалери.
Перез не молчеше, тврди дека истите се поради Супер-лига.
„Снимките кои се објавени се дело на новинар кој со години се обидува скапо да ги продаде. Тоа се разговори кои се изведени од контекст. Мене ми е кристално јасно зошто изглегоа сега во јавност, причината е моето учество во проектот Супер-лига. Сите понатамошни чекори детално ќе ги проучува мојот адвокатски тим“, изјави Перез.
Првиот човек на Реал Мадрид во снимките ги озборува Роналдо, Касилјас, неговата поранешна сопруга и ред други ѕзведи.
