Едноставно доминантен. Тадеј Погачар од Словенија и оваа година ја освои најважната велосипедска трка во светот Тур де Франс. Словенецот на денешната етапа од Либурн до Сен Емилион, ја задржа голема предност пред останатите возачи, па така утре во последната етапа која ќе се вози низ Париз по Елисејските полиња, доволно ќе му биде само да ја мине целта, без разлика на времето и со тоа тој одново да биде крунисан како најдобар на Тур де Франс.
Погачар жолтата маичка на годинешната трка околу Франција ја има во свој посед уште од осмата етапа, и со одлична тактика и возење, успеа да ја задржи до крајот.
Сепак, останува утре само да го официјализира првото место на Тур де Франс. Овој успех, како и лани, донесе спортска еуфорија во Словенија.
ФОТО: Ekipa24.si
