Воска Спорт, новиот и амбициозен второлигаш попладнево на својот стадион во Грашница во Охрид, ја одигра првата пријателска средба во текот на овие подготовки. Ривал беше тимот на Братство, а Воска со 4:0 успеа да победи. Стрелци на головите беа Изаир Емини, Богдан Велиновски, Тео Силјановски и Бехар Фета.
Значи тренерот на Воска, Раде Цицмиловиќ, тргна со победа со својот нов тим.
Според извештаите од Охрид, Воска имала барем уште 5-6 големи шанси за поголем триумф, но сепак останале на крајот тие 4:0. Во двете полувремиња, Воска играла со различит состав.
