Македонската младинска кошаркарска репрезентација по двете победи во низа беше демолирана од Швајцарија со 65-79. Избраниците на Тони Симиќ и покрај поразот ќе играат во полуфиналето во ФИБА „Челенџерот“.
Македонија пружи добра игра само во првата четвртна, поведе со 7-1, водството го одржуваше до 8. минута, по која Швајцарија зеде залет. Овој перод го реши со 24-26, а веќе во наредните минути ја имаше целосната доминација. Нашите момци постигнаа само осум поени, примија 22.
Ниту по одморот не се промени ништо. Уште една четвртина во знакот на противникот, кој дојде на плус 30. По една ваква негатива не постоеше начин за кам-бек.
Митревски со 17 поени и 9 скока беше прв стрелец, зад него беше Димитровски со 15 поени и 9 скока.
