Последната средба од првото коло во ракометните случувања на Олимписките игри доби очекуван епилог. Данска, атуелниот олимписки првак одигра без мислост против домаќинот, Јапонија, славеше со убедливи 47-30.
Победникот на оваа средба беше решен веднаш. Данска поведе со 9-1, а потоа набрзо дојде до двоцифрени 14-4. На одморот резултатот беше 25-14. Ништо не се промени ниту во продолжение.
Холм со девет гола го предводеше својот тим, Хансен беше стрелец на шест гола.
Данска заедно со Египет и Шведска во групата Б стартуваа со победи. Во второто коло, Хансен и неговите соиграчи ќе ги одмерат силите со Египет, меч кој е на програмата во понеделник.
