Очекувано, Германија и Шпанија дадоа одличен вовед на ОИ во Токио, во главното дерби во првото коло во групата А. Победата ја однесоа шпанските ракометари, славеа со 27-28.
Шпанија поведе со 1-3, на другата страна германските ракометари со серија од 3-0 поведеоа со 7-5, најголемото водство беше 9-6 и 10-7. Сепак ова не беше доволно за да се урне противникот, „фуријата“ се врати, на одморот имаше негатива од 13-12.
Добар вовед на вториот дел за Шпанија, Фернандез по осум минути игра ги постави највисоките 16-19 за неговиот тим во овој дел од мечот. Германија се врат во мечот, израмни на 21-21 за возбудлив финиш. Се играше гол за гол, во 55. минута, новиот вардарец Гурбиндо заработи исклучување.
Уве Генсхајмер ја врати предноста на Германија по подолго време 27-26, но Душебаев ја држеше Шпанија во игра со два гола во низа врати за 27-28. Германците направија ново пробивање, но наместо мирна завршница, Шпанците дозволија слободен удар, но истиот заврши над голот.
Гомез и Фигерас со по пет гола беа најефикасни кај Шпанија, Душебаев постгна 4 гола на другата страна Вајнхолд со пет реализации.
Ова беше последен меч од првото коло во групата А. Претходно Франција беше подобра од Аргентина, додека Бразил беше совладан од Норвешка.
