За контроверзната завршница на полуфиналната трка на 100 метри пеперутка за жени, денеска најмногу се дискутираше во Токио. Имено се случи голема контроверзна одлука, по која Австралија е во шок, гневна е експедцијата на ОИ од оваа земја. И тоа поради финишот, и тоа поради една фотографија која јавноста ја виде веднаш по трката.
Ема МекКеон од Австралија и Јуфеи Жанг од Кина, според судиите трката ја завршиле со исто време, со 55,82 секунди. И така тие го поделија првото место.
Сепак од фотографијата се гледа дека пливачката од Австралија прва дојде до целта. Од таму овој гнев во спортска Австралија и неверица во светот на спортот.
Да се потсетиме дека нешто слично се случи и на ОИ во Пекинг во 2008 година. Тогаш се чинеше, барем според снимките, дека Чавиќ од Србија трката ја заврши прв, но судиите му ја доделија победата на Фелпс од САД.
