Репрезентацијата на Норвешка обезбеди четвртфинале на машкиот ракометен турнир на Олимписките игри во Токио со победата над Франција со 32:29 во 5. коло. Французите беа перфектни до овој меч, а Норвежаните имаа два порази и очајно им требаше голем триумф за да изборат место во следната фаза.
Одиграа одлично, на полувреме беше изедначено 15:15, а во вториот дел Скандинавците беа подобри. Овој меч го судеа македонските судии Начевски и Николов.
Норвешкиот бомбардер Сагосен беше најефикасен на мечот и постигна седум голови, а пет гола постигна Гуликсен.
Кај Французите најефикасен беше Дешат кој реализира пет гола.
Франција и покрај поразот е победик во групата и во четвртфиналето ќе игра против Бахреин. Норвешка својот ривал ќе го дознае по расплетот во другата група. Ако Германија го победи Бразил (што и се очекува), Норвежаните ќе бидат четврти и ќе одат на Данска во следната рунда.
