31-годишниот хрватски центар, Роберт Рикиќ е нов кошаркар на МЗТ Скопје Аеродром. Како што потврди неговата агенција, тој се договорил со македонскиот шампион и следната сезона ќе биде засилување за „штрковите“ во АБА 2 лигата.
Рикиќ минатата сезона беше член на Еуро Никел каде одигра 16 натпревари со одличен просек од 19,25 поени по натпревар. Одличниот центар претходно ги носеше и дрсовите на Прага и Слобода Тузла, но најголем дел од кариерата помина во Будуќност и Игокеа.
