Откако Ливерпул вчера објави дека Фабињо останува во клубот уште неколку сезони, денеска објави дека голманот Алисон Бекер на “Енфилд“ ќе остане најмалку до 2027 година.
Бразилецот го продолжи договорот и со тоа и натаму ќе биде во еден од најголемите клубови во светот.
Алисон Бекер на “Енфилд“ е веќе три сезони, и токму во овој период Ливерпул, и по негова заслуга, освои титули во Премиерлигата и во ЛШ.
Да потсетиме дека Бразилецот во Ливерпул дојде од Рома и тоа во летото 2018 година, кога за него беа платени 72,2 милиони евра, рекордни кога станува збор за голман.