Екипата на Шкендија на својот официјален веб-сајт објави дека Арбин Зејнулаи го напушта клубот.
По взаемен договор на играчот и „црвено-црниот“ тим од Тетово, дојде до прекин на соработката. Зејнулаи побарал од клубот раскинување на договорот, во желба да пронајде средина каде што ќе има повеќе простор за игра.
Зејнулаи е дете на Шкендија, член е на првиот тим од 2016 и има само 22 години. Минатата сезона настапи на 30 натпревари за клубот и запиша три асистенции.
