Пари Сен Жермен го комплетира трансферот на Лионел Меси кој потпиша соработка на две години со опција да продолжи на уште една. На годишно ниво ќе добива неверојатни 35 милиони евра, а како што е познато тој дојде како слободен играч.
Па така ПСЖ стана клуб кој издвојува најмногу пари за плати на фудбалери. Французите на годишно ниво ќе плаќаат дури 302,7 милиони евра и со тоа ги поминаа Реал Мадрид, Манчестер Сити и други великани.
Реал падна на втората позиција со 250,7 милиони евра, а трет е Манчестер Јунајтед со 237,7 милиони евра за плати. Барселона која направи рез ова лето ги смали трошоците за плати и стигна до 230,6 милиони. Во топ 10 листата се уште Јувентус, Баерн и Челзи.
