Италијанскиот шампион наскоро ќе добие холандско засилување затоа што се договорил со ПСВ за трансфер на Дензел Думфрис на „Џузепе Меаца“. Според пишувањата на експертот за трансфери во Италија Фабрицио Романо, овој трансфер е договорен следува фудбалерот да дојде во Италија и да ги договори личните услови пред да потпише договор. Неофицијално сумата која ПСВ ќе ја добие за десниот бек е околу 15 милиони евра.
Тоа значи дека Евертон ја загубил трката по негов ангажман.
Думфрис беше еден од подобрите играчи на Холандија на ЕУРО 2020, инаку е дете на Спарта Ротердам, а играше една сезона за Херенвен пред да се пресели во ПСВ во 2018 година.
Интересно за овој играч е што во 2014 година има два настапи за Аруба, но подоцна добил дозвола да ја смени репрезентацијата и да игра за Холандија.
