Македонската кошаркарска репрезентација доживеа пад од една позиција на најновата листа на ФИБА.
Сега избраниците на Драган Бајиќ се на 53. позиција на листата.
После одржување на Олимпијадата, во која САД го освои златниот медал, има нов поредок. Токму САД е на врвот, додека на втората позиција е селекцијата на Шпанија. Трета е Австралија, а меѓу топ 5 селекции се и Словенија и Франција.
Словенците со одличниот настап на ЛОИ се искачија за 12 позиции.
Подобрување на пласманот нашите репрезентативци ќе имаат во следниот период со оглед дека денеска почнуваат квалификациите за СП 2023. Македонија вечерва од 19 часот ја пречекува Швајцарија во „Јане Сандански“.
