Хари Кејн би можел да се врати во дресот на Тотенхем во четврток во мечот од УЕФА Конференциската лига против екипата на Пакос де Фереира. Според англиските медиуми, голгетерот е ставен на списокот на тимот кој ќе се бори со Португалците за место во групната фаза од ова натпреварување.
Капитенот на Англија не беше вклучен во тимот за премиерата во Премиер лигата против Манчестер Сити.
Кејн се врати на тренинзите на Тотенхем во петокот и, наводно, не бил доволно подготвен за настап. Навивачите полека го губат трпението со него, особено по непрофесионалниот однос кон клубот и се поизразената желба да си замине.
