Според неколку извори, Ливерпул постигнал „начелен договор“ со капитенот Џордан Хендерсон за нов договор. Иако имаше сомнежи за иднината на 31-годишниот фудбалер, откако беше откриено дека разговорите претходно биле во застој, денеска стигна убава веста за фановите на тимот, дека начелен договор меѓу двете страни е постигнат.
Новинарот на „Атлетик“, Дејвид Орнштајн, пишува дека Англичанецот изгледа ќе ја продолжи авантурата долга една деценија и најверојатно ќе потпише договор со кој има реални шанси кариерата да ја заврши на „Енфилд“.
