Денеска АМС приреди прием за Ѓорѓи Начевски и Славе Николов, веројатно најдобрата судиска двојка во светот на ракометот. Директорот Наумче Мојсоски со пригодни зборови им се заблагодари за се она што и двајцата придонеле за спортот и државата воопшто. Познато е дека Начевски и Николов го судеа олимпиското финале во ракомет, а тоа докажува дека навистина се почитувани и од страна на ЕХФ.
Покрај посебните признанија што ги добија, Начевски и Николов отсега па натаму ќе добиваат државна пензија како заслужни спортисти.
