По триумфот над Македонија ЃП во неделата, тоа беше прва сезонска победа за Шкупи, денеска во меч од 3.коло во ПМФЛ, момците на стратегот Гоце Седлоски му гостуваат на Пелистер. Битолчани се единствени кои во првите две кола забележаа два порази, но и двата со по 0:1.
Марјан Радески, летното големо засилување на Шкупи, во пресрет на денешниот меч под “Тумбе Кафе“, за клупската интернет страница истакна…
“Го почитуваме тимот на Пелистер. Многу добро знаеме со каква екипа ќе ги одмериме силите. Ние сме максимално подготвени, и на секој натпревар, па и на овој, влегуваме како да е финале. Шкупи и во Битола ќе оди на победа и три бода“ заклучи Радески.
Инаку овој натпревар, како и сите останати од 3.коло во ПМФЛ денеска, започнува во 17 часот.
