Поранешниот извршнен директор на Баерн и легендата на светскиот фудбал, Карл-Хајнц Румениге ја коментираше ситуацијата која денеска владее во спортот и и ја повика УЕФА да воспостави ред, бидејќи фудбалот ќе се соочи со тешки моменти.
Румениге направи анализа на ситуацијата на пазарот и разликите меѓу клубовите, го наведе Кристијано Роналдо како пример. Се верува дека португалскиот напаѓач сака да го напушти Јувентус и да направи трансфер, а Румениге предупредува:
„Најголем проблем е неговата плата. Тој заработува 35 милиони евра годишно за што е потребно да се издвојат 70 милиони евра бруто. Кој може тоа да си го дозволи? ПСЖ? Можеби некој од англиските тимови? Ова е не здрав начин за напредок, УЕФА мора да превземе мерки и да направи нешто.
Мора да се направи регулација на цената бидејќи трошоците одново растат, ако не се направи нешто сега, допрва ќе дојдат тешки денови за фудбалот“, порача Румениге.
