Фиорентина вечерва и официјално го објави трансферот на играчот од средниот ред на Арсенал, Лукас Тореира.
25-годишниот Уругваец му се приклучува на италијанскиот тим на позајмица со опција за откуп. Според на новинар Фабрицио Романо, изнајмување ќе ја чини Фиорентина 1,5 милиони евра, а Тореира може да стане комплетно фудбалер на „виолетовите“ следното лето за сума од 15 милиони евра.
Интересно е што Фиорентина е на пат да добие уште едно големо засилување. Имено, покрај Тореира, тимот од Фиренца е на пат да ја затвори и позајмицата на дефанзивецот Одриозола. Според Романо, мадридскиот клуб ја прифатил понудата на Фиорентина да го изнајми Шпанецот на една година и ги договорил условите за трансфер.
Сега клубовите чекаат да видат дали самиот фудбалер ќе го одобри преминот во Италија.
