Специјално од Истанбул, Игор Д. Ивановски
Членот на шампионската екипа на Челзи, Едуард Менди ја доби наградата за најдобар голман за сезоната 2020/21 во Лигата на шампионите. Менди имаше фантасична сезона на голот на „сините“ од Лондон, а во трката по наградата ги победи конкурентите Едерсон од Манчестер Сити и Тибо Куртоа од Реал Мадрид. Тој освои дури 286 поени, додека вториот Едерсон 154, а Куртоа 96 поени.
Менди минатата сезона имаше 12 настапи во ЛШ од кои 9 пати ја сочува мрежата недопрена, а прими само три гола. Имаше 91,2% успешност.
