По Ковид 19 проблемите кои настанаа во нашиот У21 табор, и позитивните Ардијан Хајдари односно Марио Младеновски, стручниот штаб на чело со селекторот Драган Канатларовски се одлучи за два дополнителни повици.
Покана добија играчот на Шкупи, Александар Ѓурковски, како и дефанзивецот на Борец, Георгије Јанкулов.
Обајцата беа што се вели на поширок список, а сега ете ќе имаат можност да им се спротивстават на силните Франција односно Србија.
Како што е познато, младата репрезентација на Македонија на 2. односно 7. септември ги игра двата квалиификациски мечеви против Франција на гостински терен, односно со Србија во Охрид.
