Клубот од Олд Трафорд, потврди дека Кристијано Роналдо е нивен нов член. Португалецот и официјално се враќа во Манчестер Јунајтед и потпишува двегодишен договор, вреден 25 милиони фунти по сезона.
Од друга страна Јувентус ќе инкасира официјално 23 милиони евра за трансферот на Роналдо, од кои 15 веднаш ќе бидат уплатени на сметката на Јуве, додека преостанатите осум во наредниот период.
За Роналдо како што е добро познато ова ќе биде втор пандат на Олд Трафорд откако мина во Јунајтед период од 2003 до 2009 година. Освои три шампионски титули и една Лига на Шампиони, а одигра вкупно 292 меча, а постигна 118 голови.
