Па, добро бре, има ли крај на овој луд летен преоден рок? По “бомбите“ од синоќа за Мбапе во Реал и Роналдо во Сити, утринава има нова. А таа дека Роберт Левандовски, “бомбардерот“ на Баерн Минхен, еден од најдобрите напаѓачи во Европа, “гол – машината“ од Полска, ќе дојде на “Паркот на принцовите“ како замена за Мбапе.
Како што се шпекулира, трансферот на Ришарлисон би бил само “димна завеса“. Бразилецот и пешки би дошол во Париз, но ПСЖ оди по нешто големо, а тоа е Левандовски.
Тие 180 милиони евра од трансферот на Мбапе во Реал,“светците“ ќе ги потрошат на две засилувања. Левандовски ќе чини 120 милиони а Бразилецот многу помалку.
И без Мбапе можеме само да замислиме каков напад ќе има Маурицио Покетино. Тука ќе бидат Меси, Нејмар, Икарди, Левандовски, Ришарлисон, Ди Марија.
Противничките одбрани уште сега стравуваат…
А Пол Погба? Со него во средниот ред јасно е дека ПСЖ ќе има тим од некој друга планета.
Па, добро бре, има ли крај?
