Струга Трим Лум во досегашниот дел од сезоната во ПМФЛ е една од трите екипи кои досега не е поразена. Стружани се надеваат дека така ќе биде и по попладневното гостување во Кавадарци, кај составот на Тиквеш, кој пак нема победа.
„Не е тајна дека Струга ТЛ ја чека тешко гостување во Кавадарци. Домашниот тим со сета сила ќе настојува до дојде до триумф. Секако дека го респектираме Тиквеш, тоа е добра екипа, но ние си ја гледаме нашата работа. Очекувам убав фудбалски амбиент, добар натпревар, и се разбира добар резултат за нас. Посакувам да го продолжиме трендот на добри игри и резултати и на овој меч“вели Цаке за “Спортмедиа“.
Мечот започнува во 16 часот попладне.
