Фото: Twitter/ChelseaFC
Дербито на 3. коло во англиската Премиер лига помеѓу Ливерпул и Челзи заврши со резултат 1:1. Поведоа „сините“ со погодокот на Каи Хаверц во 22. минута, меѓутоа во финишот на првото полувреме изедначи Мохамед Салах од пенал. На пеналот му претходеше игра со рака на Рис Џејмс и кавга со фудбалерите на Ливерпул поради што доби директен црвен картон.
„Сините“ цело второ полувреме играа со фудбалер помалку, а успеаа да издржат на „Енфилд“ и да освојат бод. Со тоа Челзи и Ливерпул се на второто и третото место со по 7 бодови.
