Лионел Меси, Нејмар и Килијан Мбапе се вклучени во составот на ПСЖ за денешниот меч со Ремс во рамките на новото коло од француската Лига 1. Фудбалскиот свет е во исчекување на дебито на Аргентинецот во дресот на „светците“, па останува да се види како Покетино ќе го вклопи во ѕвездениот тим на ПСЖ својот нов бисер.
Меси нема настап за клубот откако сензационално потпиша за нив овој месец, откако ја напушти Барселона по истекот на неговиот договор. Аргентинскиот напаѓач последен пат играше на 11 јули кога и помогна на својата земја да го победи Бразил во финалето на Копа Америка.
„Тој е многу мотивиран“, вели Маурисио Покетино за 34-годишниот Меси.
„Тој е одличен професионалец, кој многу брзо се прилагодува на своите нови соиграчи и на новиот концепт“.
Во тимот се враќа и Нејмар, а тука ќе биде и Мбапе кој е на излезна врата од ПСЖ.
