Тренерот на Вардар Веселин Вујовиќ пред реваншот со ППД Загреб во СЕХА Лигата, истакна дека „црвено-црните“ нема да патуваат во Хрватска да ја бранат предноста, туку да одиграат добар натпревар.
„Не очекува тежок натпревар. Ќе мораме да одиграме многу добро, Ако одиме да браниме 4 гола, нема да поминеме. Па и ако не играме добро, можеби ќе загубиме со 1. Ако калкулираме со времето и семафорот нема да минеме. Во СЕХА лигата сите имаат шанса да стигнат до Ф4. Сакам Вардар да остане како единствен тим кој настапил на сите Ф4 турнири.
Покажавме дека играме одличен ракомет со многу контакти. Многу фактори ќе решаваат. Шансите се на наша страна, мислам дека ќе постигнеме повеќе од 21 гол, што би значело дека Загреб ќе мора да победи со најмалку пет гола. Мислам дека е во наша корист што ќе има навивачи на трибините“, рече Вујовиќ.
Реванш натпреварот од четврт-финалето на СЕХА лигата меѓу ППД Загреб и Вардар се игра утре во 20 часот во Загреб. Првиот меч заврши со триумф на Вардар, 24-20.
