Македонската фудбалска репрезентација попладнево го одработи првиот тренинг под раководство на новиот селектор Боби Милевски. Новата страница е свртена, од оваа подновена селекција се бара продолжување на успешните резултати. Без Игор Ангеловски и без капитенот Горан Пандев екипата тргна во подготовски за претстојните квалификациски натпревари со Ерменија, Исланд и Романија.
Тука се дебитантите Никола Серафомов, Тодор Тодоровски и Бојан Миовски. На денешниот тренинг ги немаше Елмас, Јаховиќ и Димитриевски поради клупски обврски, а нивното доаѓање се очекува утре.
