Актуелниот шампион на Македонија Шкендија не тргна фуриозно во новата сезона во Првата македонска лига, очигледно дека е далеку од формата и од посакуваната игра, па по назначувањето на новиот тренер тргнаа и чистката во играчкиот кадар.
Денеска клубот им се заблагодари на левиот бек Антонио Павиќ и напаѓачот Вандерсон Да Силва. Двете страни обострано ги раскинаа договорите, па двајцата можат како слободни играчи да си побараат нови клубови.
Од Шкендија ќе си оди и Бесарт Ибраими (како што соопштивме, тој е пред трансфер во Ксанти), а пред две недели си замина Арбин Зејнулаи и најверојатно ќе си оди и Арменд Алими.
