Поранешниот англиски репрезентативец Џек Вилшир се најде во ситуација ниту еден клуб од водечките пет европски лиги да не го сака во своите редови. Англичанецот е слободен фудбалер откако раскина со Борнмут во јули, а од тогаш е во потрага по нов клуб. Конечно, се најде некој да го побара во своите редови, меѓутоа се појави нов проблем поради кој екс-фудбалерот на Арсенал и на Вест Хем не може да игра.
Според италијанските медиуми, Вилшир тренира со Комо кој е повратник во Серија Б. Овој клуб кој минатата сезона заврши како првопласиран во Серија Ц1 сака да го ангажира Вилшир меѓутоа се појави проблем затоа што играчот не е државјанин на Европската Унија. Поради отстапувањето на Британија од ЕУ нејзините граѓани веќе не се третираат како членови на ЕУ.
А според правилникот клубовите од Серија Б не можат да потпишуваат за играчи вон ЕУ кои претходно не играле (работеле) во Италија. Со тоа пропаѓа уште една можност англискиот фудбалер кој има 29 години да заигра барем во Серија Б.
Hi Jack 👋
Jack Wilshere si sta allenando con il @Como_1907 di Jack Gattuso in queste ore.
Ma non potrà essere tesserato in #SerieBKT a causa del passaporto da extracomunitario. pic.twitter.com/1hiYM6FeDC
— Lega B (@Lega_B) August 31, 2021
