Во рамките на второто коло на меѓународниот турнир “Андреас Папастаматис“, што се игра во Атина, Металург го совлада грчкиот Диомидис Аргос, со 31:29 (15:14).
Првото полувреме мина во рамноправна игра, но сепак заврши со минимална предност на тимот од Автокоманда, 15:14.
Во вториот дел Металург повторно беше подобар од својот противник, па имаше предност од 4 гола, 22:18, и 6 гола, 29:23. На крајот, заслужена победа на Металург, со конечни 31:29.
Металург и на овој натпревар настапи без браќата Њокас.
Хорват постигна девет гола и беше најефикасен кај македонскиот тим, а следуваше Озтурк со 5.
Турнирот ќе заврши утре, со натпреварите од третото коло во кое Металург ќе се сретне со домаќинот на турнирот – тимот на АЕК. Во првото коло „металурзите“ беа поразени од Анортосис.
Металург: Дупјачанец, Бардаковски, Брестовац, Петров (3), Маркоски, Петковски (4), Хорват (9), Рибеиро (4), Лазаревски (3), Озтурк (5), Митиќ, Каковски, Кофилоски (1) и Мане (2).
