Ливерпул ги продолжува преговорите со Мохамед Салах за потпишување нов договор. Продолжувањето на договорот со египетскиот напаѓач е прв приоритет за менаџерот на „црвените“, Јирген Клоп, и тоа тој неколку пати го потенцираше и во своите изјави.
Ливерпул е уверен дека преговорите за продолжување на договорот со Салах ќе бидат успешни. Страните можат да склучат нов договор до 2025 година. Претходно беше објавено дека Салах може да стане најплатениот играч во историјата на Ливерпул. Моментално Египќанецот заработува околу 233.000 евра неделно.
Сегашниот договор на 29-годишниот египетски напаѓач е заклучно со јуни 2023 година.
