Турскиот суперлигаш Фенербахче денеска го претстави и десеттото засилување ова лето, а нов играч на гигантот од Истанбул е Мигуел Креспо. Трансферот чини 2 милиони евра, а Креспо стави потпис на договор до 30 јуни 2024 година.
Се работи за фудбалер роден во Лион, Франција, а има португалско потекло. Доаѓа од редовите на португалски Есторил каде што играше изминатите две сезони. Претходно настапувал за Брага и за Мерелиненсе, што значи дека никогаш не бил во француски клуб.
Неговата позиција е играч за врска, а има 24 години.
Фенербахче покрај Креспо, ова лето ги донесе Али Самата, Мерџим Бериша, Мин-Јае Ким, Бурак Капаџак, Бурак Курукалип, Стивен Кокер, Макс Мејер, Сердар Дурсун и Диего Роси.
