Поранешниот играч за врска на Баерн (М) и Фиорентина, Франк Рибери и официјално е нов фудбалер на Салернитана.
38-годишниот француски фудбалер се појави на денешната презентација на составот на Салернитана на стадионот Аречи. Рибери беше претставен како нов играч на Салернитана, откако и официјално постигнал договор со новиот калчолигаш.
„Би сакал да се заблагодарам на неговиот агент и Давиде Липи, бидејќи тие успеаја да го натераат Рибери да разбере што значи да дојдеш во Салерно и да играш за Салернитана“, рече техничкиот директор на Салернитана, Анџело Фабиани.
Претходно беше објавено дека платата на Рибери ќе изнесува 1,5 милиони евра, со договор на 1 година.
