Вечерва се одиграа повеќе натпревари од квалификаците за СП во Катар 2022. Највпечатлива беше победата на Холандија и тоа над Турција, и тоа со 6:1. Мемфис Депак беше фантастичен успеа да постигне хет – трик. Останатите три гола беа дело на Класен, Тил и Мален. Единствениот гол за гостите го постигна Ундер во 92.минута.
Во балканското дерби меѓу Хрватска и Словенија, кое се одигра во Сплит, победија домашните со 3:0 и тоа со головите на Ливаја, Пашалиќ и Влашиќ.
Шок за Србија во Даблин. Иако четата на селекторот Стојковиќ одигра одлично, имаше повеќе шанси, имаше и водство од 1:0, сепак во 87.минута Миленковиќ си даде автогол и ја скрати својата селекција за два големи бода.
Шкотска како гостин ја победи Австрија со 1:0, додека супер – интересно беше во Сараево каде играа БиХ и Казахстан. Домашните водеа со 2:1 се до 90+7.минута кога гостите израмнија на 2:2.
Данска го прегази Израел со 5:0, додека Франција со 2:0 ја совлада Финска, и тоа со двата гола на Гризман.
Ф. Острови ја победија Молдавија со 2:1, а победа славеше и Норвешка со Гибралтар со 5:1, тука хет-трик на Халанд.
Русија со 2:0 ја победи Малта, исто како и Словачка со Кипар. Без голови заврши мечот меѓу Црна Гора и Летонија.
ЛИНК ДО 2-ГОЛ НА ХОЛАНДИЈА
ГОЛОВИТЕ НА ХРВАТСКА – СЛОВЕНИЈА (3:0)
