Францускиот младински репрезентативец Едуардо Камавинга денеска го потпиша договорот со Реал Мадрид до летото 2027 година. Ова е голем ден за Камавинга, а тоа го одбележа со стил – целата фамилија дојде на неговата презентација како нов играч на „кралевите“.
По завршувањето на документацијата, 18-годишниот фудбалер се запозна и со соиграчите и со тренерот Карло Анчелоти и го одработи првиот тренинг.
„Пред една година некој да ми кажеше дека ќе бидам во Реал Мадрид немаше да му поверувам. Напред Мадрид!“, беа првите зборови на сега веќе екс-играчот на Рен.
Реал плати 31 милион евра за Камавинга, а ќе плати плус 9 милиони во бонуси.
Camavinga’s family #25 🤍 pic.twitter.com/BAtCyp2MNZ
— Madrid Xtra. (@MadridXtra) September 8, 2021