Тинејџерките Ема Радукану и Лејла Фернандез ќе играат во финалето на престижниот УС Опен 2021. 18-годишната Британка Ема Радукану е првата квалификантка која стигнала до финале на Грен слем турнирот во Опен ерата. Радукану во полуфиналето ја совлада Гркинката Марија Сакари со 6:1 и 6:4.
Една година повозрасната Лејла Фернандез од Канада ја „исчисти“ Сабаленка од Белорусија во полуфиналето 7:6(3), 4:6 и 6:4 и првпат во кариерата се најде во ситуација да се бори за трофеј на еден Грен Слем турнир.
Инаку финалето е закажано за утре (сабота, 11.септември) со почеток од 22:00 часот по македонско време.
Да додадеме дека Радукану моментално е на 150. место на ВТА листата, а Фернандез е на 73. место.
Фернандез до финалето ги елиминира третата носителка Наоми Осака, потоа Анџелик Кербер (16-та носителка), па петтата носителка Елина Свитолина и втората носителка Арина Сабаленка.
Радукану ги „исфрли“ Вегеле, па Жанг, потоа Сорибес-Тормо, потоа тинејџерката Роџерс, па олимписката шампионка Белинда Бенчиќ, па Сакари.
Emma Raducanu 🆚 Leylah Fernandez for the #USOpen title 🏆
This is the first men’s or women’s major final featuring unseeded players since the Open Era began in 1968. pic.twitter.com/C0zUxfOP7r
— ESPN (@espn) September 10, 2021
Believe it, @EmmaRaducanu
You’re going to the #USOpen final! pic.twitter.com/x9LsPp6Rog
— US Open Tennis (@usopen) September 10, 2021
🇨🇦 @leylahfernandez IS A GRAND SLAM FINALIST! pic.twitter.com/hK21AC2M8T
— US Open Tennis (@usopen) September 10, 2021
