Своевремено многу ветуваше фудбалерот Бесарт Абдурахими. Бираше меѓу Хрватска и Македонија, ја одбра Македонија, направи трансфер во Белгија, меѓутоа кариерата целосно му тргна во надолна линија.
Така сега тој има нов клуб, и тоа во втората кипарска лига. Абдурахими во новата сезона ќе настапува во анонимниот тим на Акритас Хлоракас.
Овој фудбалер кој има 31 година и барем уште 2-3 добри сезони за играње, во минатото играше за Загреб, Хапоел Тел Авив, Локерен, Астана, Черезо Осака, Шкендија, Партизани Тирана, Херманштад, и последно во Браво и во Рудеш.
За македонскиот национален тим одигра 12 меча, постигна еден гол и тоа оној со Луксембург кога славевме со 3:2.
