Со доделување на медалите на најдобрите, викендов заврши меѓународниот кошаркарски турнир за играчи до 16 години „Драган Василов Цевка“. Победник на првото издание на овој кошаркарски собир во Скопје, е екипата на Слован од Љубљана, која во завршниот меч успеа да го победи тимот на Академик од Пловдив со резултат 72:42.
Во борбата за третото место меѓу екипите на Реал Гуровиќ Академија и Шопрон, повеќе среќа имаше српскиот тим кој победи со 70:69. Петтото место и припадна на екипаа на Црвена Звезда од Белград, која славеше против романски Клуж од 62:57, a во „македонското дерби“, односно натпреварот за седмото место, вардаровите кошаркари беа подобри од младите „штркови“ на МЗТ Скопје Аеродром со резултат од 71:59.
За најдобар стрелец на турнирот беше прогласен Келер Бендегуз од тимот на Шопрон, а МВП наградата за најдобар играч ја понесе кошаркарот на Слован, Леон Ивичиќ.
