Денеска попладне од 15 часот се играат натпреварите од првото коло или 1/16 финалето во Купот на Македонија. Веднаш да кажеме дека ланските финалисти Силекс и Академија Пандев директно се пласираа во 1/8 финалето, а три средби место денеска се закажани за наредната среда.
Секако дека дербито се игра во Прилеп. Таму силите ќе ги одмерат Победа и Вардар, кои иако се второлигаши сепак предизвикуваат внимание во домашната фудбалска сцена. Воска Спорт во Охрид ја дочекува Брегалница, се очекува интересен, неизвесен и крајно возбудлив дуел меѓу две квалитетни екипи.
Работнички е фаворит против Слога во Виница, но не смее да се заборави дека домашниот тим предводен од Никола Кузманов на стартот во ВМФЛ- ИСТОК знае само за победи.
Да кажеме дека во случај на нерешен резултат нема да има продолженија, веднаш ќе се изведуваат пенали.
ДВОЈКИ ЗА ДЕНЕСКА – 15:00 Ч
Радовиш: ДЕТОНИТ – МАКЕДОНИЈА ЃП
Прилеп: ПОБЕДА – ВАРДАР
Г.Речица: БЕСА – СКОПЈЕ
Градско: ТИМ ЛОКОМОТИВА – ОХРИД
Битола: ЉУБОТЕН – ПЕЛИСТЕР
Гостивар: ГОСТИВАР – РЕНОВА
Дебар: КОРАБИ – БЕЛАСИЦА
Виница: СЛОГА – РАБОТНИЧКИ
Новаци: НОВАЦИ – ТИКВЕШ
М.Каменица: КАМЕНИЦА САСА – СТРУГА ТЛ
Охрид: ВОСКА СПОРТ – БРЕГАЛНИЦА
ДВОЈКИ ЗА 22 СЕПТЕМВРИ – 15:00 Ч
Штип: КИТ ГО – ШКЕНДИЈА
Скопје: ЊУ СТАРС – БОРЕЦ
Велешта: ВЕЛЕШТА – ШКУПИ