Динамо (З) на нашите Стефан Ристовски и Аријан Адеми претрпе пораз на домашен терен на отворањето на групната фаза од Лигата на Европа. Вечерва на „Максимир“ во Загреб, „модрите“ загубија од англискиот премиерлигаш Вест Хем со 2:0.
Првиот гол за Англичаните беше подарок на домашната одбрана, а Антонио ја имаше најлесната задача да погоди за 1:0 во 21. минута. Вториот гол за „чеканите“, пак беше дело на Рајс во 50. минута на мечот. Ристовски остана на теренот до 63. минута кога беше заменет, додека Адеми одигра комплетни 90 минути.
Возбудлив финиш имаше на дуелот во Белград. Се до 75 минута двете мрежи останаа празни, а тогаш во две минути навивачите видоа два гола. Родиќ во 75. погоди за радост на „црвено-белите“, додека само минута подоцна Галено ја врати Брага за 1:1.
За радост на домашните фанови се погрижи Катаи кој погоди од белата точка во 85. минута и донесе големи три бода за белграѓани.
Група “Е”:
Галатасарај – Лацио 1:0
Локомотив Москва – Марсеј 1:1
Група „Ф“:
Црвена Ѕвезда – Брага 2:1
Мидтјиланд – Лудогорец 1:1
Група “Г”:
Бетис – Селтик 4:3
Баер Леверкузен – Ференцварош 2:1
Група “Х”:
Рапид Виена – Генк 0:1
Динамо Загреб – Вест Хем 0:2
