Откако пред десет дена и официјално заврши летниот преоден рок, сега можеме и дефинивно да се позанимаваме со вредноста на нашите играчи и клубови во ПМФЛ. Секако дека сме далеку, светлосни години далеку, од кремот на европскиот фудбал, но секако дека интересно ќе биде да видиме што вели ТРАНСФЕРМАРКТ, специјализираниот сајт за вредноста фудбалерите и клубовите во нашата елитна лига.
Според него кај нас, во ПМФЛ, највреден или најскап е Лука Станковски (19), младиот играч за врска на Работнички и младата репрезентација. Прашање на ден е кога ќе добие повик и за А – тимот. Само тој вреди во милиони, поточно неговата сегашна вредност е 1.000.000 евра со тренд на растење на цената.
На второ место е Егзон Бејтулаи од Шкендија и тоа со 800.000 евра, трет е Љупче Дориев од Шкендија. Интересно, дури шестмина од дванаесетте највредни во ПМФЛ доаѓаат од Шкендија. Но никој не е како Лука Станковски.
Кога сме кај клубовите тука нема промени веќе 3-4 години. Шкендија и натаму е највредна екипа во ПМФЛ со 5.530.000 евра, но Шкупи опасно се заканува со 4.000.000 евра. Трет е Работнички и тоа со 3.850.000, и тоа најмногу благодарение на Лука Станковски, додека на четвртото место, со вредност од 3.480.000 евра е Академија Пандев.
ТАБЕЛА НА ИГРАЧИ
Л. Станковски (Раб) 1.000.000 евра
Е.Бејтулаи (Шке) 800.000
Љ. Дориев (Шке) 600.000
Ф. Алварез (Шку) 500.000
М. Мурати (Шке) 450.000
Ј. Кривак (Шке) 400.000
Д. Мојсов (Бре) 400.000
Т. Китановски (Шку) 350.000
М. Цветаноски (Шку) 350.000
М. Радески (Шку) 350.000
Б. Дита (Шке) 350.000
В. Нафиу (Шке) 350.000
ТАБЕЛА НА КЛУБОВИ
Шкендија 5.530.000 евра
Шкупи 4.000.000
Работнички 3.850.000
А. Пандев 3.480.000
Македонија ЃП 3.100.000
Ренова 2.650.000
Струга ТЛ 2.470.000
Брегалница 2.330.000
Тиквеш 1.760.000
Борец 1.510.000
Пелистер 1.380.000
Скопје 1.350.000
