Од вчера Тиквеш има нов тренер. Тоа е Влатко Костов, еден од нашите најдобри и најпознати стратези. Се очекува под неговата тренерска палка кавадаречкиот прволигаш да има подобри резултати.
Костов вчера го одработи со играчите првиот тренинг, а веќе утре неговиот тим ќе игра против “неговата“ Брегалница во “неговиот“ Штип. Секако дека тактиката тој ќе ја спрема, но нема да може да го води Тиквеш од клупата.
“Така сакаше распоредот, утре Тиквеш да игра против Брегалница и тоа во Штип. Сепак јас сум професионалец и моја работа е Тиквеш да игра добро. Еве, да кажам дека малку ми е криво што не можам да седам на клупата на Тиквеш утре во Штип и тоа од административни причини“ изјави за ТВ куќа РТК.
