Денеска и официјално е потврдено дека Џаред Жиле од Австралија ќе биде главен судија на натпреварот помеѓу Вотфорд и Њукасл кој ќе се игра во сабота во рамките на Премиер лигата.
Со тоа Жиле ќе биде првиот странски судија кој ќе суди еден меч од елитната англиска лига. Се работи за искусен судија, во Австралија судел во највисок ранг и со најдобри оценки. Од 2019 тој живее и работи во Англија, прво во ВАР собара, а сега ќе дебитира во улога на главен судија.
