Ретко се гледа кога некој фудбалер во ПМФЛ ќе предрибла неколку играчи, ќе се најде сам пред голманот и мајсторски ќе ја затресе мрежата. Ете вчера тоа се случи на мечот Шкупи – Борец, кога офанзивецот на чаирчани успеа со својот “слалом“ во стилот на Меси да ја “измеша“одбраната на велешани и да постигне гол. И не само за ова Матеј е играч на колото, дечкото одигра навистина квалитетно. Покрај него од тимот на Шкупи тука се и Алварез и Сандеј, стрелецот на два гола. Голман е Трајчевски, кој со неколку одбрани го спаси Пелистер од А. Пандев, тука од Пелистер е и Драгарски. Работнички го “освои“ Ѓорче, а Стојкоски и Позњак беа најдобрите кај “романтичарите“. Шкендија одигра добро на Автокоманда и успеа да го победи Скопје со 2:0, Нафиу и Кривак беа стрелците. Тука се и Додев од Брегалница, Селмани од Ренова.
ИГРАЧ НА КОЛО
МАТЕЈ ЦВЕТАНОСКИ
Тим: Шкупи
Роден: 18.08.1997 во Скопје
Кариера: Македонија ЃП, Пелистер, Вардар, Шкупи
