Манчестер Сити ќе мора да се потпре на дел од младинците од тимот до 23 години за натпреварот од Лига Купот на Англија во вторникот против Викомб Вандерерс, бидејќи многу од клучните играчи се повредени, откри менаџерот Пеп Гвардиола.
„Немам алтернатива за натпреварот со Викомб. Ќе излеземе со некои од младите момчиња од вториот тим“, потврди Гвардиола.
„Имаме проблеми со Џон Стоунс, Емерик Лапорт, Александар Зинченко, Родри и мислам дека и Илкај Гундоган има проблем што нема да му дозволи да игра. Но, се отвора добра можност за момчињата од Академијата и тие мора покажат зошто се во клуб како Манчестер Сити“, додаде шпанскиот специјалист.
